"ده شكل يحيى النهاردة بعد حوالى ٥ أيام ف عناية مستشفى كفر الشيخ العام"..كانت هذه كلمات عبر الصفحة الشخصية "الفيس بوك"،للدكتور أحمد الشاعر،طبيب عناية الأطفال بمستشفي كفر الشيخ العام،والمعالج للطفل "يحيي يحيي صبحي حنفي " 3 سنوات،الذي تعرض للتعذيب الوحشي علي يد والدته وزوجها منذ 5 أيام.

وجه الطبيب: "الشكر كل الشكر للناس اللى ساهمت في أن ده يبقى شكل يحيى النهاردة.. للناس اللى ساعدته وبتساعده وهتفضل تساعده... الشكر لإدارة المستشفى اللى كانت متفهمة جدا للوضع وساعدت وسهلت حاجات كتير جدا".

كما وجه الشكر لطاقم العناية من مدير واستشاريين واخصائيين ونواب وتمريض,قائلا:" ربنا وحده اللى يقدر يكافئهم ع اللى بيعملوه مع كل الاطفال ضمير حى وكفاءة مهنية وجودة ويقظة وعلم غزير وتواضع."،معربا عن فخره لانتمائه لجروب العناية العظيم،قائلًا "ربنا بس اللى هيقدر يكافئكو ع كل اللى بتعملوه ده."

وتابع: أما الشكر الأهم فهو للناس الجميلة جداا..الناس اللى الخير مالى قلوبها وعقولها،الناس اللى زارت، وساندت، وساعدت، وساهمت، وشجعت، وفكرت إزاى ترجع للطفل ده ابتسامته،الناس العظيمة اللى بتساعد ف صمت ،مش عايزين غير ثواب ربنا،قائلا :شكرا للناس اللى بتساعد اطفال العناية كلهم لما بيشرفوها بالزيارة، موجها الشكر للناس اللى بتساعد الأطفال فى كل مكان،والشكر لك يارب ياواهب النعم..اللهم لك الحمد كما ينبغي لجلال وجهك وعظيم سلطانك

وكان الطبيب قد نشر صورًا للطفل "يحيي" 3 سنوات،قال إن الطفل وصل المستشفي غايب عن الوعى بدون نبض ولا نفس ((ميت تقريبا)) اتعمله انعاش قلبى واسعافات ورجع بفضل الله وبعد حوالى 5 ساعات تقريبا رجع لطبيعته بياكل ويتكلم وكل شئ".
وتابع الشاعر قائلًا: "بالكشف عليه تبين آثار التعذيب الوحشية دى من سحجات وكدمات وجروح وحروق..لما بدأ يتكلم وسألناه قال إنه اتعرض للضرب من أمه مرات وزوج أمه في مرات أخرى".

ووصف الطبيب أنه تم تحرير محضر و"الشرطة جت وخدت أهله اللى هم فى النيابة حاليا..الطفل دلوقت كل ما بيصحى خايف ومرعوب..الطفل ده لو مكانش على وشك الوفاة مكانش حد اكتشفه".

واتضح بعد ذلك أن والد الطفل ووالدته مطلقين، وحينما سئل الطفل عن سبب تعرضه للضرب من والدته وزوجها، قال "عشان بعمل حمام علي نفسي".

ومن جانبها وجهت الدكتورة غادة والي، وزيرة التضامن الاجتماعي، فريق التدخل السريع ومأمور الضبط القضائي التابع للوزارة بالتوجه إلى مستشفى كفر الشيخ العام؛ للحفاظ على حقوق طفل قامت والدته وزوجها بتعذيبه وإحداث عدة إصابات في جسده.

وذكرت وزارة التضامن، في بيان اليوم الأربعاء، أن الفريق توجه لمتابعة حالة الطفل يحيي صبحي حنفي، 4 سنوات، والذي تعرض للضرب والتعذيب بالخرطوم على يد والدته وزوجها، موضحة أنه ينتظر قرار النيابة العامة إما بإيداع الطفل أحد دور الرعاية الاجتماعية بالمحافظة أو تسليمه لأهله بعد استقرار حالته الصحية وتماثله للشفاء، وذلك حرصا على المصلحة الفضلى للطفل.

يُذكر أن فريق التدخل السريع بكفر الشيخ يقوم بمتابعة حالة الطفل لليوم الرابع على التوالي للاطمئنان على حالته الصحية، كما وجهت وزيرة التضامن الاجتماعي، بمتابعة القضية والتنسيق مع مكتب النائب العام لسرعة إجراء التحقيق واتخاذ اللازم.