المكوّنات

للعجينة :

3 اكواب دقيق

كوب ماء, دافئ

ملعقة زيت

ملعقة ملح

ملعقة زبادي

للحشوة:

حبتين بطاطا, وسط

مكعبات بصلة

0.5 كوب كزبرة, مفرومة

اصبع فلفل, حار, للي يحب الحراره

قليل زيت

بهارات:

ملح

فلفل اسود

كركم

كمون

كزبرة, حب, مجروش

قليل حبوب خردل, اذا متوفر

طريقة التحضير    

نعجن العجينه: نخلط الدقيق والملح بعدين الزيت والزبادي ونفركه شوي.

تالي نضيف الماء بالتدريج ونعجن 10 دقايق، نغلفها ونتركها ترتاح ساعه.

نقطع البطاطس مكعبات ونسلقه.

في مقلاة, نحط ملعقة زيت وفوقها البهارات. بس تطلع ريحتها, نضيف البصل. لين يذبل شوي, نضيف البطاطس المهروس ونقلبه زين.

اخر شي, نضيف الكزبره المفرومه وتكون الحشوه جاهزه.

بعد ساعه, نقسم العجينه الى 4 اقسام وكل قسم ابى قسمين. يعني المجموع 8 اقسام نكورهم ونغطيهم لكي لا ينشفو.

نفرد العجينه شوي ونحط من الحشوه ونسكرها. نرش طحين على السطح ونفرد العجينه على شكل اقراص.

في مقلاة على النار, نحط القرص. ثم نقلبه وندهن السطح بالزيت ونقلبه مره ثانيه. وندهن السطح الثاني بالزيت ونشيله لما يستوي ويتحمر.

يقدم ساخن ولذيذ مع الجبن او الاكلات الهنديه. ❤