رئيس التحريرحسين شمردل
  • بنك مصر
  • بنك مصر

حبيبة متولي تكتب : أخر أحداث الفراق‎

حبيبة متولي تكتب : أخر أحداث الفراق‎
2018-08-08 12:03:27

دارت عقارب ساعتك ف الليل 
القلب أصبح فاضي ميهزهوش إحساس 
*من امتي كانوا الناس بتود بعضيها*
و من امتي يا عبيط هتلقي حبيب 
باكتآبك 
أمشي يلا رد بابك 

انا دورت ف الدنيا لاجل ما لاقي ايد تقويني 
/ ولقيتك انتي /
انا اللي مليش سكه 
ولا صحبة تنجيني 
ازاي بتيجي ف تكه / وتقولي دنيتي و عيني

أنا ممتنة للبدايات
و أخر النهايات 
و لكل شئ اتقال 
و لكل جمال موال
و لكل حكاويكي
ومشيتك ع الكورنيش 
ولكل رد مفيش
بيجي بعده سهرايه
ولكل حكايه ف نص الليل
ولساعتك و تسريحتك
وضحكتك وسط ناسك
وغناكي بأستمرار
زعلك عالهامش 
وعصبيتك بدون اسباب
انا ممتنة للاحباب
و الأحساس إللي يقوم
وشربك للحمص ع النيل
وحبك #لأم_كلثوم
الورد ف ايديكي 
وحكاويكي وحكاوينا
الست اهي بتقول 
*علي الحب تصحي أيامنا علي الشوق تنام ليالينا*

انا الي مأدمنتش الأ اشياء 
وفجأه ادمنتك
والجرح اهو فاق
طب قولي بأمانتك 
تبقي النهايه .. هو الشقا / ولا اخر اللقا؟
باللذمه مش الي جرا اقوي من المشنقه

بتقربي ليه ؟ لما انتي هتسيبي 
ومعاد وهتغيبي 
ولا عادلك اثر و وجود 
وكفايه بقي وعود 
بقيتي مجرد قصه وحدوته 
بحكيها لكل غريب 
ولكل رد بسمعه ف نهايتها
*ارجوكي /اخر مره و اخر حكي لقصتها*
صعبت عليا القصه
كان نفسي تنتهي بحاجات احسن 
تنتهي بدون ما أحزن 
تنتهي بحاجات أتمنتها 

اوعي تصدقي حكي الناس 
ابعدي عن البني ادمين 
متصدقيش زي ما يصدقوش
متصدقيش كل ضحكه صفرا ع الوشوش 
في جوه كل واحد حد تاني منعرفوش

هيرجعوكي للماضي وجرح عالفاضي
وشروخ ف عرق ايدي
يصعب صوت تنهيدي
و الدم بيفور
وعقارب ساعتي كما كانت بتدور
ف الليل كما كنا
بتضحكوا علي ايه 
مش هو دا الافيه 

كان نفسي اعاتبك لاجل الي صار يرجع
كان نفسي اقولهالك ف اخر للقا
ملقتش الا مفيش 
حبيتك بس انتي متحبيش 
ومفيش اقوي من حبيب يوجع
اتفضل نام يا عم القلب
بطل تفكير ف القصه اياها 

دخلت عليا أمي فالاوضه كالعاده
_ ما تبطلي

بطلي شرب القهوه الساده ؛ ايه فيدتك منها؟ 
قولتلها دي انيسي ف وحدتي 
لا هنبادل الحسنه بالسيئه 
اخرها زياده عصبيه و التهاب رئه
وسكتت و سكت 
لا هي فهمت كلامي ولا انا بطلت 
وفضلت شرب القهوه
وفضلت ف التوهان
لا انتي رجعتي يا حلوه
ولا انا فضلت زي زمان 

كان لازم تفهم يا عبيط 
واضحه البدايات
اهي النهايات
*انتي قصتك زيي بتتعاد من تاني*
هي ارتاحت فالبعد 
وانا لسا بعاني

= أرجوك يا عم الهم 
ابعد بزياده
القهوه الساده اهي بتفور 
عقارب الساعه بتتحرك
نوبه رعشه فالجسم تدور 
الدنيا ماليها زعيق 
الجسم يتلج بالتدريج
دوشه ف كل مكان ف الاوضه

= أرجوك يا عم الهم 
انهي الحدوته 

انا كنت وهكون كالعاده
حزينة كمان وحدي
اعزف اوتاري بعقارب ساعتي
مش عايزه تاني القاك 
=ارجوك يا سيد الهم
انا بترجاك 
ابعد كفايه هموم 
انا كنت سيئة جدا بلا شك
لكن هبقي تمام لما اقوم 

#أخر_احداث_الفراق

أُضيفت في: 8 أغسطس (آب) 2018 الموافق 26 ذو القعدة 1439
منذ: 9 أيام, 1 ساعة, 15 دقائق, 4 ثانية
0
الرابط الدائم

التعليقات

326213

استطلاع الرأي

هل تؤيد محاكمة الإرهابيين أمام المحاكم العسكرية
جميع الحقوق محفوظة 2017 © - الصباح العربي