رئيس التحريرحسين شمردل
  • بنك مصر
  • بنك مصر

سارة مجدى تكتب : إزاي تعرف صاحبك اللي بميت وش؟

سارة مجدى تكتب : إزاي تعرف صاحبك اللي بميت وش؟
2018-08-08 12:05:01

أكيد معظمنا سمع أغنية تامر حسني الجديدة 100” وش"، الأغنية حلوة حلاوة وللأسف كلامها علي قد ما هو صادم وكلها سوااااااد ..ألا إنها حقيقية جدا جدا.. إحنا وصلنا لمرحلة الوحش .. لمرحلة إننا بنتمني نلاقي حد بوشين بس.. كلام الأغنية بيقول: 
اللي غدروا بمحبتنا
روحوا رب العباد يديكوا على قد نيتكوا
من نحيتنا
من كتر الناس إللي بـ 100 وش
وحشونا الناس اللي بوشين

المشكله مش إن فيه ناس بوشين المشكله إن الوشين اوسخ من بعض.. وساعات اللي بميت وش ده بيدخلك جوه خلاط ساعة بيحبك وبيبوس التراب اللي بتمشي عليه وساعة بيكرهك ويتمنى لك الأذية وبيأذيك.

أنا حاسة أن اللي جاي وممكن يبقي عادي نسمعه واللي بتأكده الأغنية دي.. ممكن نقول "لسه يا صاحبي ف ناس بوشين، لسه فيه خير ف الدنيا" من كتر ما الميت وش غالب وموجود بكثرة مرعبة!

تناقض الوشوش والنفسية مرجعها النفسي كبييييير بس ليها تفسير الحمد لله عشان أنا كنت قربت اتجنن! قابلت الجدع الندل.. الحنينة القاسية.. الصاحبة بس الغدارة ..الحبيب الولهان الكاره الطهقان .. ومكنش عندي أي تفسير.

في ناس كده بتحب تمثل وبتتقمص الشخصية أوي وتعمل دور الغلبانه الطيبة المجروحة المخدوعة الي الزمن بهدلها وبتنعي حظها علطول قدام الناس عشان يقولولها كلمة حلوة وتصعب عليهم ويجبروا بخاطرها.. أوسكار إبداع !

تقلبات الشخصية (أنواع و ألوان) بس أسبابها علميا محددة:

في الماضي اِعتقدَ البعض أن الأشخاصَ المصابين باضطرابات الشخصية هم مجرد أشخاصٍ كُسالى أو أشرار. ولكن بدأت الأبحاث الجديدة استكشافَ الأسباب المحتملة، وتشير تلك الأبحاث إلى أن العوامل الوراثية والإيذاء الجسدي وسوء معاملة الآباء وتأثير الأقران 

وعوامل أخرى تُسهم في تطوير الوسواس القهري والنرجسية وغيرها من اضطرابات الشخصية. كما سبق وأن ذكرنا أنَّ الشخصيةَ هي مزيجٌ من الأفكار والعواطف والسلوكيات التي تجعلك فريدًا، فإنها كذلك الطريقة التي ترى بها العالم الخارجي وتفهمه وتتصل به، فضلًا عن ذلك، كيف ترى نفسك. تتكوَّن الشخصية خلال مرحلةِ الطفولة، وتتشكَّل من خلال التفاعل بين:
الجينات الخاصة بك. قد يتم تمرير بعض السمات الشخصية لك من قِبَل والديك من خلال الجينات الموروثة.

البيئة الخاصة بك. وهذا يشمل المناطق المحيطة التي نشأت فيها، والأحداث التي وقعت، والعلاقات مع أفراد أسرتك والآخرين.

يُعتقَد أن اضطرابات الشخصية تنجم عن مزيجٍ من هذه التأثيرات الجينية والبيئية، فإن جيناتك قد تجعلك أكثر عُرضةً لتطوير اضطرابٍ من اضطرابات الشخصية، ومواقف الحياة قد تؤدي إلى التطور الفعلي لها.

التاريخ العائلي للاضطرابات الشخصية أو غيرها من الأمراض النفسية أو العقلية.

تجارب الطفولة المؤلمة مثل سوء معاملة الأهل أو الإهمال أو الحياة الأسرية غير المستقرة.

التشخيص باضطراب التصرف في الطفولة.

الاختلاف في كيمياء وتركيب المخ.

عندك بالصلاة علي النبي 10 أنواع لو لقيت حد معاك في علاقة اجري بيه علي دكتور أو أنت اجري أو لقيت الأعراض دي عندك روح أو روحي عند دكتور عشان متظلميش حد في حياتك جايز مكنتش تعرف إن ده مرض ودلوقتي عندك فرصة إنك تعرف نفسك واللي حواليك أكتر في المقالة دي:
(1) اضطراب الشخصية الارتيابية:
عدم الثقة في الآخرين والشك بهم والارتياب في دوافعهم. (حتلاقي الخاين بيخون - الكداب بيكدبك).

الاعتقاد غير المبرر بأن الآخرين يحاولون إلحاق الضرر بك أو خِداعك. (نظرية المؤامرة).

الشك غير المبرر في الآخرين بسبب الخوف من قيامهم باستخدام أيِّ معلوماتٍ شخصية ضدك. (نظرية المؤامرة برضه )
ردود الأفعال الغاضبة العدائية تجاه إهانات مُتصوَّرة وغير حقيقية. (ممكن يقولك بكرهك بكل قسوة و بعدها بثانية بحبك عادي
(الميل لحمل الضغينة والحقد ضد الآخرين. (أي حد فاشل و مبيفهمش).
 كل حد و كل علاقة صداقة مع الجنس الآخر).

(2) اضطراب الشخصية الانطوائية:
عدم الاهتمام بالعلاقات الاجتماعية أو الشخصية وتفضيل الوحدة. " أنا عايز ابقي لوحدي و بحب اخرج لوحدي مش مع بشر“.

محدودية التعبيرات العاطفية أو الانفعالية. "مبيقولش بحبك ولا بكرهك ولا بستلطفك ولا أي حاجة“.

عدم القدرة على استشعار المتعة في معظم الأنشطة. "ملوش نفس لأي حاجة".

الظهور بمظهر بارد أو غير مبالٍ بالآخرين. " طز بخ في أي حد محدش بيهمني".

عدم الرغبة في ممارسة الجنس مع شخص آخر. "ملوش نفس قلنا“.

3) ) اضطراب الشخصية الفصامية:
السلوك غريب الأطوار المتمثل في الملابس والتفكير والمعتقدات والكلام والسلوك. (انهاردة ستايل تامر هجرس بكرة عادل امام بعده فؤاد المهندس (
التجارب الإدراكية الغريبة مثل سماع صوت يهمس باسمك. (فيه جوووووست).

القلق الاجتماعي وعدم الراحة في العلاقات الوثيقة. (أنا بخاف من الكومتيمنت..مع انه مبيعضش بس بيخاف اوي).

التفكير الخيالي: الاعتقاد بأنه يمكنك التأثير على الناس والأحداث بأفكارك. (كل واحد منا عنده قوة خارقة ..النوع ده بيبقي مسلي جدا).

الاعتقاد بأن بعض الأحداث أو الحوادث العارضة هي رسائل خفية موجهة لك فقط. (كل حاجة علامة من السماء).

(4) اضطراب الشخصية المعادية للمجتمع:
تجاهل احتياجات الآخرين ومشاعرهم. (عايزه تخرجي؟ مش مهم.. عايزة تخلفي ؟ مش مهم ..عايز تتجوز ؟ أنت كمان مش مهم).

الكذب المستمر والسرقة واستخدام الأسماء المستعارة وخداع الآخرين. (مفيش معلومة بتطلع صح لازم فلتر الكذب بيعدي عليها).

المشاكل المتكررة مع القانون. (بيحب يعاند ويثبت وجه نظره حتي لو هتخالف القانون.. هو صح ! هما غلط).

الانتهاك المتكرر لحقوق الآخرين. ( في أي حاجة ممكن تتخيلها).

السلوك العدواني الذي غالبًا ما يتسم بالعنف. (لفظيا أكتر).

تجاهل سلامة النفس أو الآخرين. ( في أي حاجة ممكن تتخيلها).

السلوك العدواني الذي غالبًا ما يتسم بالعنف. (لفظيا أكتر).

تجاهل سلامة النفس أو الآخرين وعدم الاكتراث. (لو عيان بأي مرض مش هيخاف عليك تتعدي).

عدم تحمل المسؤولية بشكل مستمر. (يعني ايه مسئولية ؟).

عدم الندم على السلوك الخاطئ. (أنا غلطان آه … ندمان لأ).

(5) اضطراب الشخصية الحدية:
السلوك المتهور المحفوف بالمخاطر مثل ممارسة الجنس غير الآمن أو المقامرة أو الأكل بشراهة. (واضحة).

صورة ذاتية عن النفس مشوهة وهشّة. (أنا وحش - طبعي وحش).

العلاقات غير المستقرة. (مفيش علاقة بيخشها بيكون ليها آخر ولا أول).

تغير المزاج صعودًا وهبوطًا، في كثيرٍ من الأحيان يكون رد فعل على التوتر في العلاقات بين الأشخاص. 
(ساعة أنت عدو و ساعة حبيب).

السلوك الانتحاري أو التهديد بإيذاء النفس. (بيهدد بالانتحار  أو هيأذي شخص بعينه طول الوقت)
الخوف الشديد من الوحدة أو الهجر. (ذعر من الوحدة مع انه شخص منفر للتعايش معاه.

الشعور المستمر بالفراغ والخواء. (علطول زهقان).

نوبات غضب شديدة ومتكررة مع حالة من جنون العظمة مرتبطة بالضغط العصبي. (هو أحسن أو هي أحسن واحدة و بيحبوا يثبتوا ده بغضب و عنف )
(6) اضطراب الشخصية الهيستيرية:
البحث باستمرار عن الاهتمام ولفت أنظار الآخرين. Attention Whore
تعمد الإثارة الجنسية للحصول على الاهتمام. (لما مبيلاقيش اهتمام هيحاول يثير أي رغبة عن طريق حضن أو قبلة).

التحدث بشكل درامي وعرض آراء قوية مع نقص الحقائق والتفاصيل التي تدعم تلك الآراء. (أوسكار أفورة هيطفح في وشك).

التأثر بالآخرين بسهولة. (بيعرف نقط ضعفك كويس و هيلعب عليها).

العواطف السطحية المتغيرة بسرعة. (كل شوية بحالة معاك).
 
الاهتمام المفرط المبالغ به بالمظهر الخارجي. (محنتف أوي في نفسه).

الاعتقاد بأن العلاقات بالآخرين أقوى مما هي عليه حقًا. (يعني لو مطلقين ممكن ميقتنعش إن علاقتكم خلصت اصلا).

(7) اضطراب الشخصية النرجسية:
الاعتقاد بأنك مميز وأكثر أهمية من الآخرين. (أنا ماليش زي).
الخيالات الجامحة عن السلطة والقوة والنجاح والجاذبية. (جنون الشهرة).

عدم الاعتراف بحاجات الآخرين ومشاعرهم. (أنت ناصينج).

المبالغة في تضخيم الإنجازات والمواهب. (لو كسب في الكوتشينة حتي.. مين ملك الكوتشينة ناو؟)
توقع الثناء والإعجاب بشكلٍ مُستمرٍ من الآخرين. (واضحة).

الغطرسة والغرور والتكبر. (واضحة برضه).

حسد الآخرين أو الاعتقاد بأن الآخرين يحسدونك. (مش محتاجة تفسير).

استغلال الآخر والاستفادة منهم. ( اللي يطلع منه أحسن منه MOOD ON )
(8) اضطراب الشخصية التجنبية:
الحساسية المفرطة تجاه النقد أو الرفض. (مبيحبش حد يقول رأيه بصراحة بس ممكن جدا يطلبه)
الشعور بالدونية والقبح. (أنا شخص مش كويس).

تجنب أنشطة العمل التي تتطلب الاتصال بين الأشخاص. (بيحب يتكلم أكتر علي وسائل الإتصال الإجتماعي)
الخجل الشديد المواقف الاجتماعية والعلاقات الشخصية. (بيحب العلاقات السطحية أكتر).

الخوف من الرفض والحرج والسخرية.
9) ) اضطراب الشخصية الاعتمادية:
الاعتماد الشديد على الآخرين والشعور بالحاجة إلى الاعتناء به.
السلوك المنقاد أو المستسلم تجاه الآخرين. (معندوش رأي واضح).

الخوف من الاضطرار إلى رعاية نفسه أو الاعتناء بها إذا تُرِكَ وحده.

انعدام الثقة بالنفس، الحاجة إلى المشورة بشكلٍ دائم من الآخرين لاتخاذ القرارات الصغيرة.

صعوبة البدء أو القيام بمشاريع خاصة بسبب عدم الثقة بالنفس.

صعوبة الاختلاف مع الآخرين في الرأي خشية الرفض.

التسامح مع المعاملة السيئة والمهينة، حتى عندما تتوفر خياراتٌ أخرى. (النوع ده ممكن يقعد في ABUSE RELATIONSHIP و يفتكر إن هو ده العادي).

الحاجة الماسة لبدء علاقة جديدة عند انتهاء أحد العلاقات الوطيدة. REBOUND – أن شاء الله 
10) ) اضطراب الشخصية الوسواسية:
الانشغال بالتفاصيل والنظام والقواعد.
الميل إلى الكمال المطلق، مما يؤدي إلى الخلل عندما لا يتحقق ذلك الكمال.
الرغبة في السيطرة على الأشخاص، والأوضاع، والمهام، وعدم القدرة على تفويض المهام للآخرين. CONTROL FREAK
إهمال الأصدقاء والأنشطة الممتعة بسبب الالتزام المفرط بالعمل أو المشاريع الخاصة بكWORKAHOLIC. 
الصرامة والتزمُّت وعدم المرونة والعند.
عدم المرونة فيما يتعلق بالفضائل، والأخلاق أو القيم.

وبكده يا ست الكل نكون عرفنا الأسباب والأنواع.. فيه أسباب أكتر من الإنسان ده وحش.

ساعات بنقابل ناس كتير بنحبهم وبندخلهم بيوتنا واحنا كمان بنخش بيوتهم وبنعتبرهم هما نفسهم بيوتنا.. بس فجأة بدون ادني أسباب بيطرودنا من بيوتنا وبيبسبـبوا أذي نفسي كبير وبيخلونا نفكر ألف مرة قبل ما نثق في حد تاني .. بيكونوا درس قاسي جدا ..مش حقولك حرص ولا تخون لان مهما حرصت و خونت عمرك ما هتعرف غير لما يطردوك من بيتك اللي أنت فتحته و ساعتها متلومش ولا تعاتب امشي من سكات و احمي نفسك .. ربنا قالك (الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ) الطيور علي أشكالها دايما بتقع .. احمد ربنا انه نجاك من صحبة مؤذية.

أُضيفت في: 8 أغسطس (آب) 2018 الموافق 26 ذو القعدة 1439
منذ: 2 شهور, 12 أيام, 22 ساعات, 2 دقائق, 29 ثانية
0
الرابط الدائم

التعليقات

326214

استطلاع الرأي

تقييمك لزيارات الرئيس السيسي الخارجية في الفترة الراهنة
جميع الحقوق محفوظة 2017 © - الصباح العربي