الصباح العربي
الخميس، 28 مارس 2024 07:08 مـ
الصباح العربي

الأخبار

نائب مدير مستشفى النجيلة المركزي يوجه رسائل للمصريين حول كورونا

الصباح العربي

كشف الدكتور محمد علام نائب مدير مستشفى النجيلة المركزي،عن تجربته بعد الاصابة بفيروس كورونا المستجد.

وكتب علام خلال صفحته على موقع التواصل الاجتماعى فيس بوك عددا من الملاحظات والارشادات من خلال تجربته التى مر بها فيما يخص فيروس كورونا وعلاجه ..

- مفيش علاج بيدخل جسم الانسان بدون مضاعفات فلازم استعماله بحذر وتحت اشراف طبيب .

- مفيش علاج فعال حتى الان ينصح بان حد ياخده ولما يبقى متاح ان شاء الله خلال شهور هيكون باعداد مهما كانت فهى محددة فهيكون للفئات اللى محتاجاه بمعنى لو جسمك تعامل كويس وبتخف ليه تاخده وفى غيرك هيموت لو مخدهوش.

-لا يوجد حاجه بتحمى ولا نوع اعشاب ولا فيتامينات ولا ادوية لحد الان اى انسان على وجه الكرة الارضية لو دخل جسمه الفيرس هيصيبه وهيختلف الاعراض باختلاف قدرة الجسم على مكافحة الفيروس والغالبية العظمى بتتعامل كويس يعنى مفيش اعراض اصلا او اعراض ليوم او يومين او اسبوع وبيخفوا لكن الاكل الصحى والاهتمام بالصحة العامة وحالتك الصحية هى اللى هتفيد فقط .

- الناس التى تصاب بدون اعراض او اعراض بسيطة يتعالجوا فى البيت هيتصرفلهم العلاج اللى ياخدوه وهيمر عليهم حد يتابعهم للتأكد من صحتهم وانهم مش محتاجين مستشفى وان الموضوع هيمر عليهم مرور الكرام بدون احتياج لمستشفى (زى دور البرد الموسمى او اخف) فانت تشغل بالك بالعلاج ليه .

وقال انه يرد على من بيتصل بيا ويقول له انا تعبان او خالطت حالة وحاسس بأعراض بعد بمطمنه واهديه طبعا لابد ان يذهب الى مستشفى الصدر او الحميات وهو لابس كمامة اى طبيب مقيم فى مستشفيات الصدر والحميات هيفيدك اكتر منى وعارفين شغلهم كويس فقط ممكن بأنه يسمع صدرك يشك او اشعة يشك او تحليل فلازم تروح تكشف طالما عندك اعراض ومتخافش كل دكاتره مصر على قدر محترم من العلم .

واشار ان اهم نقطة ان هناك معدومى الضمير يستغلون الناس ويقولوا لهم اطمن على نفسك بتحليل واشعه ان معندكش كوفيد ،مؤكدا انها لا تستبعد ولا تؤكد طالما مفيش مسحة.

8f20cb296b1445cb1f87d97b3f1ecc1f.png
نائب مدير مستشفى النجيلة المركزي يوجه رسائل للمصريين حول كورونا

الأخبار

click here click here click here altreeq altreeq