أبو الزيك يكتب: الخلابيص ومريلة المطبخ

زمان كان الواحد بيشوف معظم الرجالة سي السيد ( وخلابيص ) وكنا بتعلم منهم إزاي الواحد يقدر يعمل كل اللي في مزاجه بره بيته وفي نفس الوقت تلاقيه أسد جسور جوه بيته .. وبيني وبينكم الواحد كان منبهر بثلاثية عم نجيب محفوظ وصورة الراجل إللي بتاع كله .. ولما الواحد كبر في السن قلت افتح مدرسة لتعليم قواعد وأصول ( الخلبصة ) .. المصيبة إني إكتشفت إن الزمن ده ما بقاش زمن سي السيد إنما بقى زمن الست سيدة .. إللي بتمشي الرجالة قدامها زي الألف وملبساهم مريلة مطبخ .. هو إيه إللي إتغير ؟ متعرفش إيه بالظبط ، بس الواضح إن هرمونات الأنوثة والذكورة إتلخبطت من مدة ومحدش عارف يرجعها زي ما كانت .. وللأسف ونظرا لتلك الظروف الملخبطة قررت أقفل مدرسة الخلابيص وافتح مكانها ورشة علشان نعلم الرجالة ( سابقا ) فنون الطبخ والحياكة ..