تعرف على ضابط الإسكندرية الذى سخر منه رواد”الفيسبوك”
استنكر المؤلف والسيناريست عمرو سمير عاطف حملة السخرية من ضابط الشرطة المقدم مصطفى مختار ، الذي يقف أمام شارع غارق بالمياه في الإسكندرية، مشيرًا إلى أنه كان بطلًا رياضيًا، وأن إصابة تعرض لها في العمود الفقري جعلت وزنه يزداد.
وقال "عمرو سمير"، خلال تدوينه له عبر حسابه على "فيسبوك"، إن صديقًا من الشرطة كشف له حقيقة هذا الضابط، مضيفًا: "إحنا نعتذر للضابط اللى بيشتغل في ظروف صعبة زي دي".
وتابع: "بالنسبة لصورة الضابط اللى الناس صورته ومنزلة صورته ونازلين تريقة عليه في الإسكندرية بسبب شكله وهو واقف قدام الميه اللى مغرقة الشارع، الراجل ده كان بطل الجمهورية في التايكوندو، وفي يوم من الأيام وبعدما تعرض لحادث وعمل عملية في العمود الفقري حصل له كده مع مرور الوقت ده من الجانب الشكلي".
واستكمل: "ده من أقدم ضباط مرور الإسكندرية من قبل ما المحافظة تتطور في عهد عبدالسلام محجوب، اشتغل في أماكن كثيرة وصاحب شخصية قوية، اشتغل في أكثر الأماكن ازدحامًا وعشوائية والناس كانت بتعمل له ألف حساب، ولم يسلم من التريقة من السائقين، ولكن كان دائمًا واثقًا من نفسه، ودمه خفيف والناس كلها بتحبه".
ونقل عمرو عن صديقه: "إن الضابط كان يعمل من السادسة صباحًا، وكان فيه ضباط تانيين بيتابعوا الموقف من على الـ"فيسبوك"، كل التقدير للضابط المحترم والضباط اللى كانوا في الشارع وبيعملوا اللى عليهم وزيادة".
