الرئيس السيسي: ”عندما نقدم على إصلاح أى قطاع نراعى الحالة المصرية بالأساس”
أكد الرئيس عبد الفتاح السيسي، أن هناك فرق كبير بين المسار المعرفى والنظريات والبيانات وتطبيقها على أرض الواقع وخصوصية التجربة، قائلا: "يعنى خصوصية تجربة مصر وظروفنا احنا وكل اللى بيتم تداوله من إجراءات ممكن تتعمل موجودة وكل الأكاديميين عارفينها لكن ازاى تعملها مع ظروف بلدك".
واستشهد الرئيس على كلامه قائلا: "أى حد دارس بيشوف مثلا قطاع زى السكة الحديد والمترو هيقول المرفق ده محتاج إجراءات للإصلاح ولكن لما تيجى تنفذ الإجراءات اللى درستها من منظور أكاديمى ومسار واضح للحل لازم تراعى خصوصية الحالة المصرية عشان لما تيجى تعملها تنجح فيها".
وتابع: "لازم تراعى انك بتتعامل مع دولة وناس ولا تتحرك من غير ما تجهز الناس بأهمية الإصلاح وحتميته".