فن وثقافة

أول تعليق من رامى جمال بعد طرح ألبومه الجديد

الصباح العربي

كتب المطرب رامى جمال من خلال حسابه الشخصى بموقع التواصل الاجتماعى للتدوينات القصيرة " تويتر " رسالة مؤثرة احتفالا بصدور أول ألبوماته بعد أزمته الأخير وإصابته بمرض البهاق الجلدى.

قال رامى جمال " البوست ده طويل شوية معلش .. أولا شكرا على حاجة حصلت ولسه هتحصل شكرا لشخص شخص دعمنى نفسيا الفترة اللى فاتت , شكرا لكل فنان من اللى شاركونى صناعة ألبومى الأخير نفسى أشكركم بالاسم بس انتم عارفين نفسكم".

وأضاف رامى جمال "أنا وانتم ركزنا و تعبنا و حبينا اللى بنعمله و حبينا بعض و ده باين للناس شايفكم بتشيروا اغانى بعض و دى حاجة مبيعملها غير الناس السليمة اللى قلبها ابيض و انا رايى من زمان النية الجميلة اهم سبب للنجاح".

وأشار رامى جمال "انتو السبب بعد ربنا فى كل كلمة حلوة بسمعها و يارب ديما فى ضهر بعض , عاوز اشكر كل فنان و مطرب و مذيع و مصور صورلنا فى شقف قوببلكم للفكرة ووجودكم هو السبب فى نجاحها و هى دى روح الفن و الروح الحلوة اللى بجد , انا ربنا خلانى اشوف نعم كتير حلوة الفترة اللى فاتت الحمدلله ".

وأوضح رامى جمال " عاوز اشكر نجوم ريكورد اللى بتنتجلى من 2012 لحد انهاردة شكرا على ايمانكم بموهبتى و على المجهود اللى عملته معايا عارف ان دى اصعب فترة للإنتاج فى مصر و أصعب فترة فى الفن عموما صدقتونى و ساعدتونى اعمل كل اللى عايزه , شكرا لعيلتى الصغيرة و عيلتى الكبيرة اللى شغالة فى ضهرى و التيم بتاعى كله و كرا لزوجتى اللى بتشوفنى صدفة ش, شكرا لاخواتى و ابويا و امى الل رضاهم سبب كبير فى النعمة دى ".

وأنهى رامى جمال رسالته "شكرا للجمهور المحترم اللى بيدعم الفن المحترم , شكرا لوقفكم فى ضهرى والله بس تعليقتكم بقيت حاسس انى محمى و معايا عزوة و بقيت عارف ان لما ربنا بياذن بيسخر كل حاجة للصالح يعنى حتى الابتلاء خلاى اشوف حب ربنا يديمه , اتمنى يكون تعبنا عحبكم فى وقت كل الفنانين محتارين من انتشار اذواق جديدة و نان عارف انكم اذوق جمهور و الحلو هيعلى بيكم و هيكمل .. يارب يكون الالبوم قد توقعتكم و بجد بحبكم جدا جدا جدا ".

أول تعليق رامى جمال طرح ألبومه الجديد