ما علاقة مسلسل وننسى اللي كان بحياة ياسمين عبد العزيز وشيرين عبدالوهاب الشخصية؟
انتشرت في الأيام الأخيرة أنباء عن ربط قصة مسلسل وننسى اللي كان بحياة الفنانة ياسمين عبد العزيز الشخصية، أو حياة الفنانة شيرين عبد الوهاب الشخصية، منذ طرح الإعلان الخاص بالمسلسل المقرر عرضه في السباق الرمضاني 2026.
حالة من الجدل الواسع احتلت السوشيال ميديا بمجرد الإعلان عن المسلسل، وسط تساؤلات بحقيقة ربط أحداث مسلسل وننسى اللي كان بحياة فنان شهير، أم من وحي خيال المؤلف.
ليخرج مؤلف مسلسل وننسى اللي كان، عمرو محمود ياسين، عن صمته ويرد لأول مرة على تلك الأنباء المتداولة، ونشر على صفحته الشخصية عبر موقع التواصل الاجتماعي "فيسبوك".
وأوضح:
"عمر ما حصل و لا هيحصل إني اكتب الدراما بتاعتي لخدمة أهداف محددة.. لا حصل ولا هيحصل ولا عمر ده اتطلب مني أصلا.. أنا بحترم مهنتي جدًا وصوتي من دماغي.. أنا مؤلف بيحضر تصوير كل شوت في مسلسله عشان اضمن دايما ان النص بتاعي بيسير في الاتجاه اللي أنا مقتنع بيه.. وبقف على الكلمة والحرف وكل اللي اشتغلوا معايا عارفين الكلام ده..".
وتابع:
"يعني قصة أي مسلسل هي قراري واختياري.. عنوان المسلسل.. أسماء الشخصيات كل حرف وكلمة هو ملكي ومسؤوليتي.. وفي نفس الوقت بيتم في إطار شغل جماعي واحترام متبادل بيني وبين كل عناصر العمل..".
واختتم:
"لكن أي بقى تفصيلة تتشابه أو تتقاطع مع أي شخصية في الحياة فده أمر وارد .. لأن أي مؤلف في الدنيا ينهل من وعاء الحياة والمجتمع اللي عايش فيه .. والحمدلله إني بشتغل دايما مع فنانين و نجوم محترمين أقدر حجمهم و بيقدروا دوري و شغلي .. واشوفكم قريبًا في رمضان ان شاء الله".
