قررت الفنانة مروة عبد المنعم مواساة طليقها المخرج حسام الشاذلي، حيث تمت سرقته في مبلغ 100 ألف جنيه، ووجهت مروة لرسالة له عبر حسابها الرسمي على "الفيس بوك"، وتضمنت الرسالة كلمات تحمل المواساة، كما تمنت له أن يعوض الله عليه فيما فقده.

وكتبت مروة: "الشخصيه المحترمه جدا والمخرج والفنان الكبير والإنسان المهذب ووالد أولادي..حسام الشاذلي.. قلبي معاك في الموقف المؤسف اللي حصلك.. وسرقة 100000 جنيه من عربيتك من كومباند دريم.. واللي المفروض أنه كومباوند محترم مليان بالأمن اللي كل شغله أنه يعرف أسرار الناس ويطقس عليها وبس.. لكن يشوف عربيات الناس اللي بتتسرق دي مش شغلتهم، إلى جانب الأمن الداخلي اللي بنحتمي فيه واللي المفروض شغلتهم أنهم يجيبوا حقوق الناس بسهوله، وخاصة أن حادثة السرقه مصوره بالكاميرات كامله.. يعني أسهل من كده مفيش.. أنا بسألهم إذا كانت الحادثة حصلت لفلان ابن فلان البيه الكبير قوي ذات المنصب المهم قوي.. ياتري كنتوا هاتقعدوا كل الفتره دي مش عارفين تجيبوا حقه.. معتقدش أن رجال الأمن عندنا ضعاف قوي كده.. الحقيقه أن احنا إلى ضعاف.. والأمن عندنا مش بيحمي الضعيف بيحمي القوى بس.. ربنا معاك ويعوض عليك".