حرصت الفنانة ريهام حجاج على نشر عبر حسابها الشخصي بموقع "إنستجرام" صورة لها من زواجها الأول، تداولها مؤخرًا رواد مواقع التواصل الاجتماعي.

وعلقت ريهام حجاج على الصورة: "الناس التافهة اللي اجتهدت عشان تطلع صورة قديمة لكتب كتابي من مجلة وتنشرها على إنها شىء ممكن يضايقني أحب اقولهم اطلاقا".

وأضافت: "كل محاولات التشويه إللي عمالة تحصل لواحدة اتجوزت على سنة الله ورسوله من راجل مطلق أصلًا إن دلت على شئ فتدل على مرض النفوس "ونصيحة للستات الفاضية، مفيش راجل بيتسرق".

وتابعت ريهام: "الناس بتتجوز وتطلق عادي وكل شئ قسمة ونصيب وربنا اللي بيبقي كاتب و مقدر، بلاش تفاهة و لو كل واحد طلع صورته من خمستاشر سنة هيلاقي شكله اختلف عادي!! "خاصة صور الافراح اللي فيها ٣ كيلو مكياچ " دا رسمة الحواجب بتفرق، المهم الجوهر وأنا مفيش حاجة في حياتي ممكن أتكسف منها واللي حاصل دا تفاهة وحقد عشان دا جواز".

واستكملت:"طبعا الكلام دا للمرضي النفسيين أما كل الناس الطبيعية إللي باركتلي وفرحتلي ومعرفتش أرد عليهم من كترهم، بشكرهم وبقولهم يا رب مسلسل كارمن يعجبكم، يوم ١٠ فبراير على سي بي سي ان شاء الله".

يُذكر أن الفنانة ريهام حجاج أعلنت مؤخرًا عن زوجها من رجل الأعمال محمد حلاوة طليق الفنانة ياسمين عبد العزيز.