الصباح العربي
الخميس، 28 مارس 2024 11:15 صـ
الصباح العربي

منوعات

أبوالزيك يكتب: وِلاَد بَـارِم دِيـلُـه

الصباح العربي

من العجائب في شعب مصر المحروسة إنك تلاقي مجموعة كبيرة منهم فاكرين إنهم ولاد ( بَارِم دِيلُه ) وإنهم من دون كل البشر عارفين بواطن وخفايا وأسرار وظواهر وأفكار وأزهار وكل كبيرة وصغيرة وشاردة وواردة في كل العلوم السياسية والفنية والإقتصادية والرياضية والإجتماعية والثقافية والعلمية والتعليمية والهندسة والطب والحقوق وعلوم الفلك .. وعنده المعلومة قبل أي حد ويقولك من مصادر خاصة !!! مين المصادر دي ؟ يقولك مصادر غير مسموح بالإفصاح عنها .. وطبعاً ١٠٠٪ من الكلام ده بيبقى ( فشنك ) ..

ومجرد ( قص ولزق ) ومن غير أي ( فحص وتمحيص ) ..

وطبعا ده غير الفذلكة والفهلوة والإحساس بالإهانة لمجرد إن واحد ( متخصص ) يقوله معلومة هو مش عارفها والمصيبة إنه ما بيعترفش إنها معلومة جديدة بالنسبة له بل ينكرها ويتهم صاحبها ( المتخصص ) بأنه مش عارف أي حاجة !!!

والله يا حبايب قلب ابو الزيك البلد دي ممكن تكون من أعظم الدول بس بشرط كله يقلع جلابية أبو العريف والمفهومية ..

بس المصيبة يقلعوها ويلبسوا جلابية ( بَارِم دِيلُه ) ذات نفسه ..

استرها يارب

أبوالزيك بكتب وِلاَد بَـارِم دِيـلُـه

منوعات

آخر الأخبار

click here click here click here altreeq altreeq