أبوالزيك يكتب: اللعب مع الأسد

أعتقد أنه آن الأوان في أن تبدأ الجهات المصرية المختصة في مراجعة كل المصريين مزدوجي الجنسية وتعيد تقييم موقفهم تجاه قضايا الوطن وإتجاهاتهم السياسية ومدى تعلقهم وارتباطهم بالوطن الأم .. أعرف ناس كتير منهم علاقتهم بمصر عبارة عن رقم قومي وكل كام سنة يروح القنصلية يجدد جواز سفره لكن هل تستفيد مصر منهم فعلا ونقدر نعتبرهم سند وضهر لمصر في اي ازمة ؟ ولا مجرد رقم في السجلات المصرية ؟ وطبعا ده غير الآلاف الهربانين وشغالين شتيمة وتحريض ليل نهار .. و أعتقد كلها مسائل من السهل أن تعرفها الجهات المختصة .. وطبعا ممكن الكلام ده ياخد وقت لكن النتيجة هتكون في الصالح العام بالتأكيد ..
عارف إن الكلام ده بمثابة اللعب مع الأسد لأنه بيخص ناس مصالحهم الشخصية فوق كل اعتبار .. لكن ورغم صعوبة ما ادعو إليه إلا إني متأكد أنه هيتحقق في يوم من الأيام ويتحول اللعب مع الأسد إلى اللعب مع ....... ولا بلاش اللهم إني صائم