أعرب حازم إمام نجم الزمالك الأسبق، عن غضبه الشديد من تصريحات الفرنسى كارتيرون المدير الفنى للفريق الأبيض عقب الخسارة من الترجى التونسى بدوري الأبطال الإفريقى، قائلًا: «كارتيرون بيقول أن الزمالك محتاج شغل كتير بدني وفني، الكلام ده يعتبر تخبيط في باتشيكو بس».

وقال «إمام» خلال برنامجه عبر إذاعة «أون سبورت»: «كان لازم كارتيرون يتكلم بأسلوب أفضل من ده على باتشيكو، هو عايز يقول إن عنده شغل كتير هعمله في الزمالك ممكن يقول كده بس بلاش الطريقة دي، لأن نفس الفريق هو اللى قدم مباريات جميلة منذ فترة قصيرة، والفريق كان الأفضل فى كل المباريات التى فاز بها وحتى التي تعادل فيها بدوري الأبطال».

وأضاف حازم إمام: «حتى في مباريات الدوري الزمالك كان يلعب بطريقة جميلة، رغم إهداره الأهداف، بينما أمام الترجى التونسى كان فريق تائه مستحيل تشعر أنه ممكن يجيب جول فى المباراة، وكنت بتفرج على المباراة في مكان مفتوح ووسط الناس وشفت إحباط رهيب فى عيونهم».

وأكمل نجم الزمالك السابق: «تحدثت مع بعض مسئولي الزمالك فى التليفون قولتلهم بلاش تمشوا باتشيكو دلوقتي، اصبروا لبعد مباراة الترجي، ومحدش خد رأى أشرف قاسم وعبد الحليم على فى قرار رحيل باتشيكو وعودة كارتيرون مش عارف ليه، مع أنهم كانوا هم المسئولين عن الكرة في الزمالك».