وفاء عامر، قالت الفنانة وفاء عامر:"لو جوزي قاللي أنا عايز اتجوز عليكي هقوله اآه يا حبيبي أمتى، طالما حاجة هتبسطه عادي أوي".

وأضافت خلال تصريحات تليفزيونية:"جوزي مش هيتجوز عليا بس الممنوع مرغوب ولو فكر يتجوز مش همانع وافضل اقول لأ، أنا بغير عليه بس مش هرفض إنه يتجوز، ومحدش يقدر ينافسني أساسا".

عقلانية وفاء عامر

وتابعت وفاء عامر:"لو جالي زوجي وواخد القرار إنه هيتجوز مش هينفع اتصدم به واقول له لأ لإنه كده كده هيتجوز".

في وقت سابق، قالت الفنانة وفاء عامر: "آيتن دايمًا بتخاف من قراراتي وبتعمل لي حساب وحريصة على إنها ترجع لي في كل حاجة لإن اللي ملوش كبير بيشتري له كبير".
وأضافت خلال لقائها ببرنامج "القاهرة اليوم" المذاع على قناة "اليوم": "آيتن عامر عارفة إنها هترجع لي في أي موضوع وبتاخد رأيي وكتير أوي بتقول لي أنتِ كان عندك حق، وأحيانًا بتعاند في الأول وبعدين ترجع تقول لي أنتِ صح".

وأكدت: "آيتن عامر مش بنتي واللي عنده ورقة يطلعها، ودي الحقيقة، واللي مش عايز يصدق هو حر، أنا واثقة في نفسي وعارفة إني ما بعملش حاجة غلط، لكن يا ريتها كانت بنتي وأمنية حياتي إن يكون ليا بنت".

في نفس اللقاء، قالت الفنانة وفاء عامر: "بغسل رجل زوجي لما بيرجع من برة البيت، وهو ما بيطلبش ولكن لما ألاقيه تعبان ومحقق لي السعادة اللي نفسي فيها وعامل الحلم اللي أنا بحلم به، ورأيه صائب وما بيقبلش إن حد يجرحني ولا حد ياخد عليَّ حقي ولا يدوس على كرامتي ولا حد يقلل من قيمتي، مفيش مشكلة أغسله رجله".

رسالة وفاء عامر لجمعيات حقوق المرأة

وتابعت: "الزوجة تعمل أي حاجة مع زوجها، وبتوع حقوق المرأة عاوزين يخربوا البيوت لو طالبوا الزوجة متخدمش زوجها ولا تسعد زوجها ولا تحافظ على استقرار بيتها وأسرتها".
كرامة المرأة

وأضافت وفاء عامر: "بتوع حقوق المرأة في حاجات كتير زي الحفاظ على كرامة الست ومحدش يجرحها بكلمة ولا حد ياكل حقها ويبقوا واقفين في ضهرها".
ولفتت: "كل الأديان السماوية حثت المرأة على طاعة زوجها في حدود الأخلاق والمعاملة الطيبة، بعيدًا عن الندية والجدال والخلافات والمشاكل".