كشفت عالمة الفلك اللبنانية ليلى عبد اللطيف، عن تفاصيل علاقتها بالجن والفلك واوضحت أن والدها كان يتميز بإلهامه القوي ولكنه لم يعلن عن ذلك.

وقالت ليلى عبد اللطيف، في حوارها مع الإعلامية بسمة وهبة في برنامج العرافة، المذاع عبر شاشة قناة النهار:

وتابعت ليلى عبد اللطيف: والدي كان شيخ أزهر وأنا مؤمنة وبصوم رمضان، ووالدتي بتقولي أن والدي كان عنده إحساس بالأحداث زيي ومكنش بيعلن، وجالي إلهام وأنا عندي 12 سنة أن جدي هيسافر ومش هنشوفه تاني، وتوفى في الحج، وأني مش هتجوز خطيبي وأنا عندي 17 سنة، وجاله سرطان وتوفى، وأنا لا أفهم بالتوقعات والتنبؤات ولا الجن، أنا بريئة من كل ده.

وأضافت ليلى عبد اللطيف، أنها توقعت وفاة زوجها الأول، قائلة: أنا عيشت مع زوجي الأولاني أبو أولادي 13 سنة ومشافش مني لا جن ولا أي شيء، وإلا مكنش هيقعد معايا ساعة واحدة، وجوزي مكنش بيأمن بالحاجات دي، وتوفى بعد ما جاله فيروس في النخاع الشوكي، وأنا جالي كهرباء زيادة في المخ وكان عندي إحساس أنه هيجي له وعكة صحية.

وانهت حديثها: كتير قالوا إن أنا الماسونية بتقولي التوقعات والجن والمخططات، يعني الماسونية بيخططوا وبيقولوا للرئيس السيرلانكي أهرب؟، واللي عايز يعمل مخططات هيعلن عنها؟، وأنا معرفش إزاي الإلهام بيجيلي ولا حد هيعرف غير رب العالمين.