• الرئيسية
• الرياضة

نشر لاعب نادي الزمالك السابق وحرس الحدود الحالي اللاعب محمد أشرف روقا بيان رسمي عبر حسابه الرسمي بموقع التواصل الاجتماعي موقع انستجرام، حيث وجه من خلالها رسالة نارية لكل من عبد الواحد السيد وأيمن عبد العزيز ثنائي الأبيض السابق في إطار الرد على تصريحاتهم الأخيرة بشأن كواليس رحيله عن القلعة البيضاء مؤخرا.

رسالة محمد أشرف روقا

أشار اللاعب محمد أشرف روقا لاعب نادي الزمالك السابق في بيانه الصادر مؤخرا على موقع انستجرام، قائلًا:

أنا أول مرة أكتب أو أعلق على موضوع أنا قلته قبل كدة أو كمان أرد على حد وأذكره باسمه، ولكن أنا بوجه كلامى هنا إلى كابتن عبد الواحد السيد، حضرتك عارف إنى بحبك وبحترمك وده البند اللى فى عقدى واللى حضرتك قلت إنه مش موجود، وكمان بتقول المفترض إنى شخص متربى لا هو ده أكيد مش مفترض وأنا الحمد لله متربى كويس جدا ومش مستنى حد يقول كدة وحضرتك عارف اني مليش في التحوير.

أضاف روقا قائلًا:

أما بالنسبة لكابتن أيمن عبد العزيز، حضرتك بتقول إنى لما جيت الزمالك جيت من لا شيء ولكن أنا مش مشكلتى إن حضرتك متعرفش حاجة، ولكن قبل ما أجي القلعة البيضاء ربنا كرمني ولعبت منتخب أوليمبي مع كابتن حسام الحضري ثم رحت منتخب مصر مع كوبر، وأشار أنا مبقدمش حجج زى ما بتقول يعني أنا مليش فى الجو ده خالص وكمان أنت عارف أنا مين وابن مين، وكمان أنت قولت إنى خدت فلوس 6 سنين مجتش من سنة، لا أنا كان بيجي عليا شهور مش بيدخل بيتى جنيه فأنت مش بتعرف حاجة.