• الرئيسية
• فن وثقافة

قال النجم أحمد فهمى، إنه لم يقصد الإساءة لأحد فى كلمته خلال حفل افتتاح مهرجان الجونة.

وأضاف فهمى خلال لقائه مع الإعلامى فادى إبراهيم، ببرنامج "الليلة عندك" على الراديو 9090 "رمضان صاحبى جدا، بيثير جدل كل ما بيتكلم، وما زعلش من كلامى فى حفل الافتتاح، بنحاول نعمل مهرجانات زى بره، وما حدث شىء مؤدب جدا".

وتابع "عمرى ما أغلط فى النجم عمرو دياب، ومينفعش حد فى مصر يغلط فى الهضبة، لأنه لديه قاعدة جماهيرية كبيرة ولا يقوى أحد على خسارتهم".

وأكمل "كان عندى معلومة إن عمرو دياب، هيحضر المهرجان عشان كده اتكلمت عنه، وعرفت إن أحمد السقا، جاى فقلت "هو وصل الجونة، ولا لسه بيشرّب الحصان".

واستطرد "الناس اللى باجيب سيرتها كبار، ولو جيبت أسماء ناس تانية مجهولين مش هينفع".

وكان أحمد فهمى، قد قال فى حفل افتتاح مهرجان الجونة: "فيه أسباب لفشل المهرجان منها غياب الهضبة عمرو دياب عن الفعاليات، واعتقد إنه كان هيضيف للمهرجان كتير، لكن أنا بعتذر بالنيابة عنه، لأن هو دلوقتى بيعقد جلسات عمل مكثفة مع عالم الفلك والأبراج السيد الألوسى، للاستقرار على كلمات ألبومه الحديث، وهو لسه مستقرش هيكون لبرج العقرب ولا الميزان، لكن كل اللى يجى من عمرو كويس".