الصباح العربي
الجمعة، 29 مارس 2024 05:46 مـ
الصباح العربي

تحقيقات وتقارير

الفضة اكسسوار الشباب .. انواعها واسعارها واستخداماتها

الصباح العربي

كتب: امير رفاعى

تعتبر الفضة من الإكسسوارات الجذابة والثمينة، واللي بيحبها قطاع كبير من الشباب عموما والبنات بشكل خاص، لأن فيها أشكال كتير وأسعارها مناسبة، وتستخدم في الهدايا والمناسبات.

أنواع الفضة واستخدامتها وأشكالها وأسعارها، والورش التى تصنع أشكالها حسب اختيار الشخص، والأنسب لكل شكل من أشكال الإكسسوارات، و تواصلنا مع عدد من أصحاب محلات الفضة وورش التصنيع.

ومنهم محمد حسن المصري صاحب محلات كنوز بمنطقه بولاق الدكرور محافظة الجيزه.

حيث قال حسن: الفضة زي الذهب منها عيارات مختلفة 1000، 925، 900، 800، 600 ، وكل نوع منهم له استخداماته وأسعاره، مثلا عيار 100 يتم استخدامه في تطعيم بعض أنواع الحليّ غالية الثمن، وعيار 600 يستخدم في اللحام باعتباره أقل قيمة، والباقي يتم استخدامهم في تشكيل الخواتم والسلاسل وباقي الإكسسوارات.

وتختلف أسعار الفضة باختلاف عيارها، مثلا عيار 1000 سعر الجرام منه حوالي 10 جنيه، أما عيار 925 فابيكون سعر الجرام 9 جنيه، وجرام العيار 900 يبلغ 8.5 جنيها، وجرام العيار 800 يبلغ 8 جنيهات، وأخيرا عيار 600 يبلغ 5 جنيهات فقط.

أشكال الفضة وأسعارها

الإكسسوارات التى تصنع من الفضة أشكالها كثيره ومتنوعة مثل السلاسل والخواتم والساعات والحلقان والأنسيالات والأساور والميداليات وغيرهم كتير.

وبعد التواصل مع العديد من أصحاب محلات إكسسوارات الفضة وورش النحت، عرفنا إن الإقبال الأكبر بيكون على السلاسل اللي بيتم نحتها على اسم شخص معين، ودي بتعتبر أفضل هدية ممكن الراجل يقدمها لشريكة حياته.

السلاسل التى تصنع باسماء الأشخاص يكون سعرها ما بين 150 و 200 جنيه، و على حسب العيار والوزن والجرامات المستخدمة.

ولو عاوز كلمة معينة أو شكل محدد ومش لاقيه في محلات الإكسسوارات، تقدر تعمله في أي ورشة لصناعة الفضة، زي الورشة الموجوده وخلال يومين تقتدر تستلم السلسلة، إنما لو خاتم فبتستلمها بعد 10 أيام.

أما الميدالية الفضة، فتعد من أقيم الهدايا التي يمكن للفتاة تقديمها لشريكها، وخاصة إذا كانت مزخرفة ببعض الكلمات، أو الحروف، وغالبا يتم تصنيعها من الفضة عيار 800، ووزنها يتراوح مابين 15:18 جم، ولأنها تصنع خصيصا، فيبلغ سعر الجرام 20جنيها، وغالبا تحتاج من 20 :25 جم وفقا لمحمد حسن،مصمم إكسسوارت.

أما لو قررت تشتري خاتم مزخرف بالكلمات، فده بتكون تكلفته ما بين 150 و 250 جنيه، وبرضه بيكون تحديد السعر على حسب الوزن ونوع الفضة والعيار وعدد الجرامات المستخدمة في تصميمه، وبالنسبة للخاتم الخالي من الزخرفة فبيكون سعره ما بين 200 و 250 جنيه، وده بحسب ما قاله صاحب محل فضيات كنوز، وتقدر تشوف أشكال أكتر من هنا.

17c00dcfb97f.jpg
2014db0b4ac2.jpg
2f01ea53eec0.jpg
475465b6482b.jpg
659a99d96387.jpg
6d9ca8114f7f.jpg
73b87e5a115e.jpg
867a7a19aff0.jpg
a1fee4a0f56f.jpg
a8c77a8b160d.jpg
bc5378dd901c.jpg
c1fc949f49c8.jpg
f2d0e40e848f.jpg
الفضة انواعها اسعارها استخداماتها الفضة اكسسوار الشباب

تحقيقات وتقارير

آخر الأخبار

click here click here click here altreeq altreeq