الصباح العربي
الثلاثاء، 19 مارس 2024 10:04 صـ
الصباح العربي

فن وثقافة

ابو الزيك يكتب : جزيرة القرنبيط

الصباح العربي

ابو الزيك يكتب : جزيرة القرنبيط

بعد إذنكم هعتبر نفسي مش فاهم حاجة ومعنديش أي ثقافة سياسية أو إعلامية أو حتى أعرف الفرق بين الملوخية والقلقاس ، وعايز من حضراتكم تقولولي إيه معنى إن أخبار مصر والرئيس السيسي تحتل دائما صدارة الأخبار في قناة الحظيرة القطرية ( الجزيرة سابقا ) ده غير إن معظم برامجها المشبوهة معندهاش غير نقد مصر ورئيس مصر ؟؟؟

هل لأنهم بيحبوا مصر أكتر من المصريين ؟ ولا قلبهم على مصر أكتر من المصريين ؟ ولا يكونوا مطلعين على خفايا الأمور ويعرفوا عن مصر ورئيسها أكتر مما يعرف المصريين ؟

نفسي أي إنسان يقولي هو ليه القناة دي دايما تأثيرها ع الناس شبه تأثير ( الكرنب والقرنبيط ) لازم بعد أكلهم تشم ريحة منيلة بستين نيلة ..

وهو ليه مينفعش ألاقي فيها خبر واحد عن الشأن القطري أو حتى نص خبر يعرفنا ليه الإدارة القطرية ( ده لو عندها إدارة أصلا ) عمرها ما إتكلمت عن مشاكل العمال أو علاقتها بإسرائيل أو تمويلها المستمر لكل ماهو شاذ وارهابي في العالم ؟

ولا هما معتقدين إن أخبار قطر كلها ( سيمون فيميه وكاڤيار ) ؟

يا حضرات المحترمين والمحترمات لو حد عنده إجابة يجاوبني ولو إجابته عجبتني وكانت مقنعة له عندي عزومة محترمة على أجود أنواع الباذنجان ..

ربنا يجعل كلامنا سبب مغص ليهم

ابو الزيك يكتب جزيرة القرنبيط ابوالزيك كرنب قرنبيط الجزيرة الرئيس السيسي مصر اخبارقطر الإرهاب المصريين

فن وثقافة

آخر الأخبار

click here click here click here altreeq altreeq