يواصل المخرج أحمد خالد موسىو تصوير مشاهد فيلمه الجديد " هروب اضطراري " والذى يعد اول فيلم سينمائي له ويقوم ببطولته الفنان احمد السقا.
وكتب موسي علي صفحته الخاصة بموقع التواصل الاجتماعي فيس بوك يحكي عن قصة تعلقه وامنيته بالتعامل مع الفنان احمد السقا قائلا " من عشر سنين كنت هشتغل فى فيلم مهم جدا لاحمد السقا وكنت مساعد صغير جدا والمهم يعنى ان المساعد الاول عمل كل حاجه لحد مامشانى من الفيلم على الرغم انى كل الناس كانت شايفه انى بعمل كل اللى عليا وزياده وبالصدفه اليوم ده كان بابا بيعمل عمليه صعبه الحمدلله عدت على خير وقالى اوعدنى انك تبقى قريب مكان المساعد الاول متفضلش مساعد صغير كده بس العند اللى جوايا خلانى اقوله انا إن شاء الله مش هكون مكان المساعد الاول أنا هكون مكان المخرج الكبير وهعمل فيلم مهم بالسقا وهيكون بطل فيلمى والمعجزة إنه أول فيلم ليا الحمدلله يارب عمرى مطلبت منك حاجه وخذلتنى "