شنت الفنانة الاستعراضية سما المصري هجوما عنيفا على الفنانة شيرين عبد الوهاب بعد ردها على معحبة طالبتها بغناء "ماشربتش من نيلها" في حفلة ببيروت بـ"هيجيلك بلهارسيا".

ونشرت سما صورتين لشيرين معلقة: "إن كنتوا نسيتوا اللي جري، الله يرحم أيام الكحرتة، الأخت الفنانة شيرين في واحدة في حفلة طلبت منها أغنية (ماشربتش من نيلها)، فردت عليها وقالت لها (هيجيلك بهارسيا) اشربي مياه (إيفيان أحسن)، ودا نوع مياه معدنية أجنبي، والكلام دا موجود في فيديو مش من عندي".

وأضافت: "دي صورة الأخت الفنانة شيرين أيام ما كان عندها بلهارسيا أيام ما كانت بتشرب من مية النيل قبل ما تتعلم إنجليزي وتعرف تقول اسم المية المعدنية بالإنجليزي، اللهم يرحم كنتي زمان فاكره الليبتون دا رئيس أمريكا وكنتي فاكرة الكريسماس دي آيس كريم إنتي اللي قولتيلي كده فاكره".

وتابعت: "المية دي اللي خلتك شيرين والعيب مش عليكي العيب ع اللي لسه بيقول عليكي فنانة ونجمة وإنتي طايحة في خلق الله مرة عمرو دياب ومرة شريف مدكور".

واختتمت كلامها: "بلد البلهارسيا ما تنفعش تعيش فيها واحدة زيك بتاعت مية معدنية وفساتين براندات وبارفانات وحاجات سيبي دا للغلابة، فاكرة وإنتي بتغني هناك بالشبشب أبو وردة".