• الرئيسية
• المرأة والصحة

المقادير 
للكريب 
نصف كوب دقيق
بيضة
ملعقة زبدة سائلة
كوب لبن
رشة سكر
رشة فلفل اسود
رشة ملح
للحشوة /
سجق بلدى مقطع 
فلفل الوان
بصل
زبدة
جبنة موتزاريلا مبشورة
جبنة رومى مبشورة
ملح
فلفل اسود
زيتون اسود مخلى

الطريقة 
لتحضير الكريبك 
نخلط اللبن مع البيضة والفلفل الاسود والسكر والملح وبعد ما يمتزجوا جيدا نضيف الزبدة ونخلط ونضيف الدقيق ونقلبه جيدا لحد ما نحصل على عجينة قوامها سائل ونترك العجينة ترتاح نصف ساعة على الاقل 
بعد ما العجينة ترتاح نسويها فى طاسة تيفال مدهونة زيت عن طريق اضافة مقدار مغرفة من العجين ونفردها بسرعة فى الطاسة بحيث تغطى سطح الطاسة كلها واول ما تتماسك نقلبها على الوش التانى ونسيبه لحد ما يستوى ونكرر نفس العملية لحين الانتهاء من المقدار كله 
نشوح البصل فى طاسة فيها زبدة واول ما يدبل نضيف السجق والفلفل الالوان والملح والفلفل الاسود ونشوحهم معا حتى تمام النضج
نفرد الكريب ونحشيه بحشوة السجق ونضيف عليه الزيتون والجبن ونقفله ونسويه فى الطاسة لحد ما الجبنة تسيح 
او نضعه فى صينية مفرود ونصب عليه الحشوة على الوش مع الجبن والزيتون وندخله الفرن لحد ما الجبنة تسيح ويقدم بالهنا والشفا.