يرفض بعض الأشخاص أكل اللحوم في العيد لعدم الزيادة في الوزن ، لذلك قدم أطباء التغذية طريقة لتحضير الفتة بدون الزيادة في الوزن و تكون بسعرات قليلة .

- المقادير:

لحمة حسب النوع المتواجد لديكى

ارز اسمر دايت ( من السوبر ماركت ) او رز مصرى

( 6 معلقة كبيرة لفرد الواحد )

2 رغيف عيش سن او ( عيش محمص )

طماطم او صلصة

مكعبات مرقه حسب الحاجة

2 فص ثوم

1 معلقة كبيرة خل

ملح و فلفل

-طريقة عمل اللحمة:

تضعى الحلة على النار وقطعى بصل حلقات متوسطه ونضع اللحمه عليها ونضع الملح والفلفل واتركها تستوى لحالها ومن الحين للاخر زودى ماء عليها بسيط لحد ما تبقى نص سوى بعدها زوديها عشان الشوربه وكل فترة شيلى الدسم اللى يكون موجود بالشوربة

بعد ماتسوى اللحمه ممكن تطلعيها وتشرى عليها ملح وفلفل وتدخليها الفرن او تجيبى طاسه تيفال وتشويحها فيها بمعلقة زيت

وكده اللحمه والشوربه تكون جهزت

- طريقة تانية للحمه الموزة:

موز بقرى ولفيها ب الخيط الخاص بالمطبخ زى ما بنلف عرق اللحمة الباردة

وتبليها ب بصلة مفروم ناعم وبهارات مشكلة وملح وفلفل وشوحيها فى حلة حتى تكتسب اللون البنى الفاتح واغمريها ب مقدار كبير يغطى اللحم بالمياة الساخنة وضيفت ورق لورى وحبهان

وغطيتها لمدة ساعه حتى اصبحت طرية جدا

تشيلها من المياة ونتركها تبرد تماما ونقطعها حلقات بعد ازالة الخيط ونشوحها فى طاسة تيفال بنصف ملعقة زيت حتى تحمر بسيط حتى لا تصبح جافة وناشفة وترص فوق طبق الفتة ودة طبق صحى جدا

-طريقة عمل الارز

على كوب الارز 2 ملعقة كبيرة زيت

نجيب حله تيفال ونحط ملعقة زيت ونحمر الارز لحد مايكون ابيض و نضع عليها كوب شوربه من اللحمه منزوعة الدسم او كوب مرقة من المكعبات وملح والفلفل حتى ينضج الارز.

طريقة عمل الصلصة بالثوم :

نضع الطاسه ونحط فيها نص ملعقة زيت ونحط فيها الثوم المفروم

لحد مايتشوح وبعدها نحط الخل تاخد غالوى ونحط الطماطم او الصلصة و نحط الملح والفلفل والبهارات ... لحد ماتبقي تقيلة ... ونطفي.

-تحضير الفتة:

نقطع العيش قطع متوسطه ونحط عليه شوربة و شويه صلصة لحد ما العيش يطرى وبعدها نضيف بعد كده الارز عليها ونسويه كده وبعدها نضيف الصلصة على الوش و نحط اللحمه بعد كده وعليها صلصة لو تحبى وبالف هنا وشفا وجبه متكاملة .