قال الفنان حمدي الميرغني  نجم عروض "مسرح مصر"، أنه تعرض لحادثة تسببت في كسر سنته، التي استغلها كثيراً في أدوار الكوميديا التي يلعبها.

وأضاف الميرغني، في حواره ببرنامج "3 في 1" على قناة "أون إي"، أن تلك "السنة" انكسرت أثناء ركوبه عجلة، قائلًا:"بصوا أنا سواق عجل من وأنا صغير، وتعرفوا منين بقا سواق العجل المحترف، لما تلاقوه حافي وحاطط الشبشب فإديه".

وكشف الميرغني تفاصيل الحادث:"أنا كنت بعمل شقلباظ بالعجلة، وبلف رحت واقع بوقي دخل في الجادون، وغرقت الدنيا دم، وبعد ما روحت واحد قريبي شافني مات على نفسه من الضحك، أتاري نص سنتي اتكسر، رحت لدكتور قالي هنشيل النص التاني ومن غير بنج، وراحوا مكتفني فالحيط، وشد السنة بحاجة زي البنسة، وقعدت أصوّت لدرجة إن كل اللى فى العيادة مشيوا وهي سبب قبولي في مسرح مصر".