قدم الشاعر والمؤلف أيمن بهجت قمر، اعتذاره للمطرب عمرو دياب، عما بدر منه تجاهه فى الفترة الماضية.

وكتب أيمن عبر حسابه الشخصى بموقع "فيس بوك": "أنا بقالى فترة بفتح صفحة جديدة مع كل الناس، عشان كده مش هتكبر النهاردة إنى أعتذر وأبارك لأخويا الكبير، وعشرة العمر، الفنان عمرو دياب على الألبوم الجديد".

وتابع كلامه: "خمس سنين زعل كتير أوى بصراحة.. وأنا غلطت لأنى أقحمت عمرو فى مشكلتى مع روتانا.. وغلطت أكتر لأنى أظهرت الخلاف ده فى العلن.. ولكن الواحد طول الوقت بيتعلم.. ومحدش كبير على الاعتذار".

وأضاف: "يا عمرو زى أنا ما غلطت فى العلن.. أنا بعتذر لك فى العلن.. إنت فوق إنك فنان كبير.. إنت أخ حقيقى على المستوى الشخصى.. أنا افتقدته وعفا الله عما سلف".

وختم أيمن كلامه: "وعايز أقدم برضه اعتذار لجمهور عمرو اللى زعل على زعله.. وحقكوا على راسى من فوق، وصافى يا لبن".