علق الإعلامي عمرو أديب، على منع إحدى المدارس بحي الأسمرات دخول عدد من الطلاب للمدرسة؛ بسبب عدم شرائهم للزي المدرسي، قائلًا: «حرام نقهر قلب العيال دي، يا معالي الوزير الناس معهاش فلوس هناك، وحالتهم تصعب على الواحد».

وأضاف خلال تقديمه برنامج «كل يوم»، المذاع على قناة «أون إي»: «شكل الأسمرات اتغير، والناس والله هتجيب الفلوس وهتشتري الهدوم للطلاب».

وبدى على عمرو أديب علامات الحزن؛ بسبب تلك الواقعة، وحبس دموعه من البكاء على الهواء، قائلًا: «يا جماعة العيال دي قلبها اتكسر وسط زمايلها، اللي مش قادر يجيب هدوم يكلمنا واحنا هنجيبلهم الهدوم لحد عندهم».