طرق طبيعيه للعنايه ببشرتك
طرق طبيعيه للعنايه ببشرتك وهي تتلخص بالخطوات الأتيه:
1. اغسلي وشك كل يوم قبل ما تنامي
حتي لو ما كنتيش حاطة ميكب اب ، لازم برضه تنضفي بشرتك بالليل مكان العرق و التراب اللي بيبقي في الشارع .
2. رطبي بشرتك علي طول
البشرة الجافة اكتر بشرة معرضة انها تعجز بسرعة ، تظهر فيها التجاعيد بسهولة ، فحاولي دايما تحطي عليها كريم مرطب و خصوصا قبل النوم
3. الفراولة و الشوفان حلوين
- الفراولة و الزبادي اخلطي زبادي مع فراولة لحد ما يبقوا خليط تقيل شوية ، و الماسك ده بيساعد علي تنشيط المسام .
-ماسك الشوفان
بتخلطي شوفان مع بيض و عصير ليمون ، و الشوفان فيه مضادات اكسدة و ده هيساعد ان لو في انتفاخ في الوش يروح ، و فيتامين E اللي موجود في البيض هيطري البشرة ، و الليمون هيساعد علي تنضيفها.
4. العسل
و ده الحل السحري للبشرة الحساسة ، بيرطب البشرة و في نفس الوقت مش بيلهبها ، و كمان لو وشك التهب لاي سبب العسل هيعالج الموضوع ده.
5. الاسبرين
لو صحيتي في يوم ، و لاقيتي حباية في وشك كده ، اطحني اسبرينة و اخلطيها مع شوية مياه و حطيها علي الحباية دي ، بس مش اكتر من 5 دقايق