تلجأ العديد من ربات البيوت إلى تخزين بعض الأطعمة فى الفريزر ، حيث تنقذ الموقف فى يوم شغل طويل أو عدم وجود وقت كافى لدخول المطبخ ، وعند القيام بعزومات خاصة ، فهناك بعض الأطعمة القابلة للتخزين ومسعفة جدا منها :
ـ صواني:
صينية المكرونة الباشميل و صينية البطاطس باللحمة المفرومة من اشهر الصواني القابلة للتخزين و مسعفة جدا بتطلع من الفريزر علي الفرن ساعة او اقل بتكون علي السفرة و بياكلوا منها و علي بال ما تستوي تكون عملتي البانيه او سلقتي الفراخ و عملتي السلطة 

ـ المحاشي :
لو عندك في الفريزر انواع المحاشي متقورة و جاهزة علي الحشو دا هيسعفك كتير اوي هتروحي تعملي الخلطة لحد ما الثلج يسيح شوية و تحشي و تسوي الحاجة علي طول و تبقي الاكلة جاهزة و مننساش طبعا الفلفل و الطماطم نكمل بيهم لو الكمية مكفتش 

ـ الفراخ : 
خلي عندك في الفريزر فراخ متبلة لان دي ممكن تخرجيها تسيح شوية و تحطيها في الفرن هتستوي بسهولة و لحد ما تستوي تكوني عملتي سلطة و رز او مكرونة 
و كمان الفراخ البانيه لو عملتيها ببيض و بقسماط و شيلتيها في الفريزر ينفع تقليها بتلجها و بتطلع مقرمشة حلو اوي و قدميها مع مكرونة بالصلصة

ـ الثوم و البصل:
افرمي الثوم و البصل و شيليهم في الفريزر عشان متاخديش وقت في التقطيع لو هتقلبي حاجة في البصل

ـ الصلصة :
اعصري طماطم و شيليها عشان تستخدميها لو هتسوي محشي او خضار مطبوخ و ممكن تسبكي صلصة و تشيليها متسبكة و توفري علي نفسك وقت اكتر