إياد نصار: الناس واخدة عني إني شخصية جادة ومش بضحك وأنا هلس
كشف الفنان إياد نصار عن سبب اختياره مهنة التمثيل، بالإضافة إلى حديثه عن انطباع الناس عنه في المرة الأولى.
وقال إياد نصار خلال تصريحات تليفزيونية له: الناس واخدة عني فكرة إني شخصية جادة ومش بضحك، وأنا هلس وبحب الضحك وصحابي القريبين عارفين عني ده.
وتابع إياد نصار: كنت بمسك ورقة وأنا صغير واكتب إنترفيو معايا وأرد على الأسئلة وكان عندي وقتها 14 سنة، وكل ممثل محتاج يقعد مع نفسه ويشوف هو ليه اختار يكون ممثل.
وعن دخوله مجال التمثيل، قال إياد: اخترت أكون ممثل عشان أنا بحب ألعب، ولأني مش بعرف ألعب كورة ولا بعرف أسوق عجل ومبعرفش أعوم، لعبي دايمًا كان في الخيال.. والخيال ده دلوقتي بيروح في التمثيل.. بلعب وباخد فلوس.
